Eolas faoi Ghradam 2027
Glao ar na cathracha, na bailte agus na réigiúin ionchuimsitheacha uile ar fud na hEorpa
Leis an nGradam do Phríomhchathracha Ionchuimsithe agus Éagsúlachta na hEorpa, tugtar aitheantas don obair atá déanta ag baile, cathair nó réigiún, tugtar an obair sin chun suntais agus leagtar béim uirthi. D’fhéadfadh an obair sin a bheith ina spreagadh do chathracha eile san Eoraip chun timpeallachtaí níos éagsúla, níos ionchuimsithí agus saor ó idirdhealú a chruthú dá saoránaigh. Tugann sé aitheantas do dhea-chleachtais a chuireann an éagsúlacht chun cinn (i dtaca le hinscne, aois, míchumas, féiniúlacht LADTIA+, reiligiún nó creideamh agus bunadh ciníoch nó eitneach) mar fhoinse saibhris agus nuálaíochta, a chuireann le beartais agus córais ionchuimsitheacha, agus a chothaíonn dáimh dá shaoránaigh uile.
Tá an Gradam ar cheann de spriocanna insoláthartha na straitéise um chomhionannas LADTIA+ 2026-2030, straitéis frithchiníochais an Aontais 2026-2030 agus na straitéise um chomhionannas inscne 2026-2030. Léiríonn sé an dóigh a bhfuil gníomhaíocht ar gach leibhéal ríthábhachtach más mian linn an taoide a chasadh agus Aontas an Chomhionannais a thógáil.
Liostáil chun an nuachtlitir #DiversityCapitals a fháil
Catagóirí na ngradam
Tá dhá phríomhchatagóir ann, mar atá:
- Údaráis áitiúla a bhfuil daonra níos lú ná 50,000 ina limistéar
- Údaráis áitiúla a bhfuil daonra níos mó ná 50,000 ina limistéar
In 2027 tabharfar Gradam ar leith d’údaráis áitiúla as a gcuid oibre ar son ‘an chomhraic i gcoinne an chiníochais’.
Beidh trí bhuaiteoir ann in aghaidh na catagóire (an chéad áit, an dara háit agus an tríú háit). Ní chuirtear méid an údaráis áitiúil san áireamh don Ghradam ar leith.
Is féidir leat d’iarratas a chur isteach in aon cheann de theangacha oifigiúla an Aontais. Tá tuilleadh eolais le fáil faoi ‘Iarratas a dhéanamh ar an nGradam’ thíos.
Tuilleadh eolais faoin gcaoi a bhféadfadh do bhaile, do chathair nó do réigiún iarratas a dhéanamh ar an nGradam do Phríomhchathracha Ionchuimsithe agus Éagsúlachta na hEorpa
Faigh amach faoi na buaiteoirí a bhí ann roimhe seo agus na buaiteoirí is déanaí
Faigh an t-eolas go léir atá uait faoi na Gradam do Phríomhchathracha Ionchuimsithe agus Éagsúlachta na hEorpa
Féach leat na háiteanna a bhain babhta ceannais Ghradam 2026 amach
Na hiomaitheoirí a bhí sa bhabhta ceannais den Ghradam do Phríomhchathracha Ionchuimsithe agus Éagsúlachta na hEorpa 2026, is iad atá ar thús cadhnaíochta sa ghníomhaíocht áitiúil chun sochaithe níos cothroime agus níos ionchuimsithí a fhorbairt ar fud na hEorpa. Roghnaíodh na cathracha, na bailte agus na réigiúin sin as measc líon iarratas an-iomaíoch, agus tá sárthiomantas léirithe acu maidir leis an gcomhionannas a chur chun cinn, dul i ngleic leis an idirdhealú, agus a chinntiú nach bhfágfar aon duine ar lár. Trí bheartais nuálacha, tionscnaimh spriocdhírithe agus rannpháirtíocht láidir an phobail, tá siad ag déanamh torthaí follasacha ar an láthair de luachanna Aontas an Chomhionannais. Féach leat a scéalta agus a dtionscnaimh.
Amlíne
(amlíne tháscach atá inti; beidh tuilleadh sonraí ar fáil tar éis sheoladh an Ghradaim)
- Oscailt thréimhse na gairme ar iarratais
Deireadh Fómhair – Samhain 2026
- Seimineár gréasáin
cláraighanseonó féach ar thaifeadadh ina dhiaidh sin
- Dúnadh thréimhse na gairme ar iarratais
26 Feabhra 2027 ar 12:00 Am Lár na hEorpa
- Meastóireacht ag Saineolaithe
Mí Feabhra / Mí an Mhárta 2027
- Meastóireacht ag Giúiréithe Eorpacha
Mí an Mhárta / Mí Aibreáin 2027
- Eolas chuig Iarratasóirí
Mí an Mhárta / Mí Aibreáin 2027
- Searmanas Bronnta i mBruiséil
Téigh i dteagmháil leis an táb 'Event'.
Tabhair spreagadh don Aontas Eorpach agus cuir le hAontas an Chomhionannais
Tá níos mó i gceist leis an nGradam ná aitheantas. Tabharfaidh ár mbuaiteoirí spreagadh do bhailte, cathracha agus réigiúin eile trí dhea-chleachtais agus beartais bhuaiteacha a chomhroinnt. Ar an gcaoi sin, is gaire a bheimid ar fad i dtreo Aontas an Chomhionannais agus sochaí atá níos cothroime.
An bhfuil ceisteanna agat faoin nGradam?
Má bhíonn ceisteanna agat:
- Féach leat na rialacha agus na treoirlínte
- Déan teagmháil linn trí eudiversity_award
vo-europe [dot] eu (JUST-CITY-AWARDS[at]ec[dot]europa[dot]eu)
Scaip an scéal
Tá do thacaíocht ag teastáil uainn. Scaip an scéal ar na meáin shóisialta le #DiversityCapitals agus liostáil dár nuachtlitir.
Go raibh maith agat
Ullmhaíodh coincheap an Ghradaim i gcomhairle le comhghleacaithe ó Ard-Stiúrthóireachtaí éagsúla den Choimisiún Eorpach, iad siúd san Ard-Stiúrthóireacht um Cheartas agus Tomhaltóirí, san Ard-Stiúrthóireacht um Beartas Réigiúnach agus Uirbeach, san Ard-Stiúrthóireacht um Fhostaíocht, Gnóthaí Sóisialta agus Cuimsiú, san Ard-Stiúrthóireacht um an gComhshaol agus san Ard-Rúnaíocht ina measc. D’oibríomar le Coiste na Réigiún freisin.
Nuachtlitir
Liostáil le #DiversityCapitals, nuachtlitir an Ghradaim do Phríomhchathracha Ionchuimsithe agus Éagsúlachta na hEorpa
Is é #DiversityCapitals nuachtlitir oifigiúil an Ghradaim do Phríomhchathracha Ionchuimsithe agus Éagsúlachta na hEorpa. Liostáil thíos chun an nuacht agus na fógraí is déanaí a fháil agus an searmanas bronnta ag druidim linn. Mar aon le léargas ar na buaicphointí is déanaí, gheobhaidh tú acmhainní atá réidh le húsáid (postálacha meán sóisialta, íomhánna srl.) agus dátaí tábhachtacha don dialann. Beifear in ann cuid na hacmhainní a íoslódáil ón suíomh gréasáin seo.